Բժշկական ծառայության բարձր ստանդարտների հետ մեկտեղ ՀԱՍԿ-ում մեծ ուշադրություն է դանձվում արագ և ամբողջական դիագնոստիկային:

Այս նպատակի համար մեր կլինիկան հագեցված է ոչ միայն ժամանակակից սրտաբանական սարքավորումներով, այլ նաև էքսպրես լաբորատորիայով: Յուրաքանչյուր պացիենտի հետազոտման և վարման պլանը, ինչպես նաև բոլոր քննությունների արդյունքները մուտքագրվում են հատուկ համակարգչային տվյալների բանկում:

Մշակվել է աշխատանքի նոր մեթոդ, որի շնորհիվ այնպիսի հետազոտությունները, ինչպիսիք են հոլտեր մոնիտորինգը կամ ֆիզիկական ծանրաբեռնվածության տեստը կատարվում և գնահատվում են բազմաստիճան մասնագիտական սկզբունքով:

Օրինակ` Ձեր հոլտեր քննության արդյունքը (ամբուլատոր ԷՍԳ մոնիտորինգ), մինչ թղթի վրա պատրաստի ձևով հայտնվելը, անցնում է մանրակրկիտ վերլուծություն` սկզբում վերծանում է համակարգիչը, հետո վերանայվում է տեխնիկի կողմից ձայնագրման որակի և վերծանության ճշտության համար: Դրանից հետո վերանայվում է մեկ ուրիշ տեխնիկի կողմից, որը պատրաստում է քննության արդյունքների նախնական տարբերակը: Այնուհետև ֆունկցիոնալ-ախտորոշող բժիշկը վերլուծում է տվյալները և պատրաստում վերջնական տարբերակը, իսկ ամենավերջում սրտաբանը կամ առիթմոլոգը, մանրամասնորեն ուսումնասիրում է ներկայացված տվյալները և վերջնական եզրակացության հանգում, ինչպես նաև որոշում հետագա վարման պլանը, քայլեր մշակում բուժման համար:

Լավ հղկված մեխանիզմի շնորհիվ ախտորոշիչ գործընթացը տևում է ընդամենը մի քանի ժամ:

ՀԱՍԿ-ի անձնակազմը գործադրում է բոլոր ջանքերը, որպեսզի մաքսիմալ բարենպաստ պայմաններ ապահովի պացիենտներին` կլինիկայում գտնվելու ողջ ընթացքում:

Մեզ մոտ իրագործվում է պացիենտների հավասար իրավունքների սկզբունքը: Հայաստանի Առիթմոլոգիական Սրտաբանական Կենտրոնը հարգում է բոլոր պացիենտների իրավունքները հավասարապես և անհատապես: Անկախ սոցիալական կարգավիճակից` յուրաքանչյուր պացիենտին տրամադրվում է միանման որակյալ բուժծառայություն, ուշադրություն և խնամք:

ՀԱՍԿ-ը մշակել, հրապարակել և կիրառում է պացիենտների տվյալների գաղտնիության իր քաղաքականությունը, որին Դուք կարող եք ծանոթանալ այստեղ :

Ձեր քննությունը, ախտորոշումը և բուժումը ՀԱՍԿ-ում առավելագույնս արագ և լավ կազմակերպելու համար մենք ստեղծել ենք բժիշկ-սրտաբանի մոտ պացիենտի հերթագրման համակարգ: Դրա համար պետք է զանգահարել հետևյալ հեռախոսահամարներով (010) 49 91 01, (010) 45 56 71, (010) 47 32 33 կամ բջջային (091) 407493 և հերթագրվել այցի համար:

Դուք կարող եք դիմել կոնկրետ բժշկին (Ձեր ցանկությամբ), կամ էլ ընդհանուր կարգով հերթագրվել ամենամոտ ազատ օրվա և ժամի համար: Լրացուցիչ տեղեկությունների համար կարող եք զանգահարել վերը նշված հեռախոսահամարներով:

Անհրաժեշտության դեպքում Դուք կարող եք հեռախոսով զրուցել կլինիկայի պատասխանատու բուժքրոջ հետ, բացատրել նրան Ձեր գանգատները, և նա կօգնի Ձեզ սրտաբանի ընտրության և այցի ժամկետների հարցում:

Շտապ կոնսուլտացիայի անհրաժեշտության դեպքում Ձեր բժիշկը կարող է դիմել մեր մասնագետներին ցանկացած ժամանակ հետևյալ հեռախոսահամարներով (010) 49 91 01, (010) 45 56 71, (010) 47 32 33 կամ բջջային (091) 407493:

Ծանր, ոչ ստաբիլ և առողջական վիճակի պրոգրեսիվ վատթարացմամբ հիվանդներին տրամադրվում է շտապ բուժօգնություն:

ՀԱՍ-ում Ձեր հարկավոր չեն հովանավորներ և միջամտողներ: Ուղղակի զանգահարեք և հերթագրվեք այցելության համար:

Բարձր մակարդակի բուժծառայության և շատ ցածր տոկոսային բարդությունների շնորհիվ ընդլայնվում է ՀԱՍԿ պացիենտների աշխարհագրությունը: Օր օրի մեծանում է ՀԱՍԿ-ի արտասահմանյան պացիենտների թիվը:

Ֆրանսիա	ԱՄՆ	Ուկրաինա	Անգլիա	Ռուսաստան
Սիրիա	Լիբանան	Մոլդովա	Ճապոնիա	Իտալիա
Իրան	Հնդկաստան	Հունաստան	Վրաստան	Եգիպտոս
Կիպրոս	Թուրքմենիա	Ուզբեկստան	Չինաստան	Կանադա
Բելոռուս	Ղազախստան	Ղրղզստան

Հարմարավետություն ապահովելու, բարոյահոգեբանական և կենցաղային դժվարությունները թեթևացնելու նպատակով` ՀԱՍԿ-ը կազմակերպում է հեռակա կոնսուլտացիաներ (հեռախոս, էլեկտրոնային փոստ, ֆաքս) և համաձայնեցնում է արտերկրից ժամանող պացիենտների այցելության, իսկ անհրաժեշտության դեպքում նաև վիրահատության ամսաթիվը: Կատարվում են նաև հյուրանոցային համարների նախնական պատվիրում, պացիենտին օդակայանում դիմավորում և տեղափոխում: Վիրահատությունից հետո կարող է կազմակերպվել նաև պացիենտի անհատական խնամք (հատուկ պատրաստված խնամողների կողմից) և այլն:

Վերջին 10-15 տարիների համաշխարհային առողջապահական փորձը ցույց է տալիս, որ բուժման լավ արդյունք ստանալու համար միայն բժշկի գիտելիքները քիչ են: Անհրաժեշտ է, որ պացիենտները նույնպես որոշակի գիտելիքներ ունենան իրենց առողջության մասին: Բուժման լավագույն արդյունք ապահովելու համար շատ անհրաժեշտ է, որ Դուք աջակցեք և օգնեք ոչ միայն սրտաբանին, այլև ինքներդ Ձեզ:

Համեմատաբար կարճ ժամանակահատվածում ՀԱՍԿ-ը պացիենտների համար մշակել է մի շարք գրքույկներ և ձեռնարկներ: Այս աշխատանքները հանրամատչելի բնույթ են կրում և նպատակաուղղված են բավարարելու պացիենտին անհանգստացնող հիմնական հարցերը: Ուզում ենք հատուկ նշել, որ այստեղ բերված նյութերը հանդիսանում են հանրամատչելի, և միայն Ձեր բժիշկը կամ սրտաբանը կարող է որոշել, թե որն է Ձեզ վերաբերում, կամ որն է Ձեզ համար օգտակար: Մենք չենք խրախուսում այս նյութերի հիման վրա կատարվող ինքնաբուժությունը: Հիշե’ք, հիվանդություններով պետք է զբաղվեն միայն մասնագետները: